Publication:

Musika eta etorkizuna

Badakigu axioma bat dela musikak komunikatzeko duen bertutea. Soinua erritu gisa, adierazpen gisa, komunikazio gisa eta baliabide gisa funtsezkoa izan da, eta da, gure kulturan. Gaur, ordea, XXI. mendean bete-betean, eskemak aurretik finkatuak ez dauzkan musikari buruz aritu nahi dut, bere prozesuan eta izaeran berean elementu berriak miatzen dituen horri buruz, eta, bere nortasun konplexuagatik, asimilatzean egoera ezezagunak proposatzen dituen horri buruz. Errealitate horrek, zeinaren ikuspen teknikoa zirrimarratzeko gauza baikara gu, badauzka zenbait bereizgarri bere bilakaeran eta problema jakin batzuk –erabakigarriak bere gerorako–, komunikatzeko duen gaitasunean, eta, izan ere, problema horiei buruz hausnartu nahi dut.