DBHko 1. mailan aljebraren irakaskuntzan Dragon Box 12+ erabiltzeko proposamen didaktikoa

Abstract

Master Bukaerako Lan honen helburu nagusia ondoko hau da: DBHko 1. mailan aljebraren irakaskuntzan Dragon Box 12+ jokoa txertatzeko proposamen didaktikoa egitea. Lana bi ataletan antolatu da. Lehenengoan, curriculumaren eta testu-liburuen luzetarako azterketa egiten da Lehen Hezkuntzako hirugarren zikloan, DBHn eta Batxilergoan, zehazturiko gaiaren inguruan. Bigarrenean, aljebrari buruzko ikasketa prozesu bat proposatzen da, eta proposamen hori DBHko 1. ikasmailari dagokion ikasgela batean ezarri da, Masterreko Practicum II irakasgaiaren baitan. Esperimentazio horretatik lortu diren emaitzak ad hoc diseinaturiko galdetegi batean oinarritzen dira, kontuan hartuz, halaber, baldintzapen instituzionalak. Lanaren amaieran, aurkeztu egiten dira sintesia, zenbait ondorio eta erantzun gabe gelditu diren zenbait galdera.