Elkarbizitzari buruzko diagnosia Etxabakoitzen

Abstract

Iruñeko Etxabakoitz auzoan egindako kulturarteko elkarbizitzari buruzko diagnosiaren prozesua eta emaitza nagusiak deskribatzen dira liburu honetan. Iruñeko Udalak eta auzoan lan egiten duten agente batzuek auzoko elkarbizitzaren egoera aztertu nahi zuten, eta horren harira eskatu zen lan hau. Hasiera batean hiru helburuk gidatu dute diagnosia:  Jatorri eta kultura ezberdineko auzokoen arteko harremanak definitu eta aztertzea.  Elkarbizitza hobetuko duten proposamenak jaso eta egitea.  Auzoan lan egiten duten eta auzoan bizi diren pertsonen arteko elkarbizitzarako espazioak sortu eta mantentzea. Helburu horiek lortzeko, zenbait ikerketako tresna eta teknika bateratzen dituen prozesu partehartzaile bat egin da. Aniztasun handiko herri eta auzoetako (halako auzoa dugu Etxabakoitz) kulturarteko elkarbizitza ikertzeko eredu teoriko batean (Estatuan egiaztatua) oinarritzen da diagnosia.