Publication:

Geometria DBH 1 mailan STEAM metodologia erabiliz

Master Amaierako Lan honetan DBH lehenengo mailako testuinguruan, STEAM metodologia erabiliz Geometria unitatea lantzeko proposamen didaktiko bat azaldu da, Askatasuna BHI-ko 1.C gelako ikasleek horren aurrean eman duten erantzuna aztertuz eta kontuan izanik STEAM proiektu zabalago baten barne planteatutako proposamena izan dela. Ikastetxe eta mailaren egoeragatik, proiektua ezin izan da guztiz aurrera eraman eta irakaslearekin kontrastatu eta gero, koebaluazioa ez egitea ere erabaki da. Hortaz, ordurarte ikasleek edukitako proiektuaren prozesuaren eta azterketaren emaitzak aztertu dira. Horretarako, curriculumeko eta testu-liburuetako edukiak aztertu dira betiere, geometriarekin lotutakoak eta hauen arteko koherentzia aztertu da. Ondoren, unitate didaktikoa prestatu eta azaldu da. Jarduerak aurkeztu eta hauen denboralizazioa egin da eta martxan jarri ondoren, emaitzak aztertu dira, ikasleek jardueren aurrean izan ditzaketen zailtasunak, erroreak eta jarrerak aurreikusiz eta errealitatearekin konparatuz. Puntu honetan, akats edo errore hauen zergatiaren inguruan hausnartu da.