Antzekotasunaren ikaskuntza prozesu berritzaile baten aplikazio eta analisia 2. DBHn

Master Bukaerako Lan honen helburu nagusia ondoko hau da: 2. DBHko ikasleen antzekotasunaren inguruko ikasketa prozesuaren gaineko analisia egitea. Lana bi ataletan antolatu da. Lehenengoan, curriculumaren eta testu-liburuen luzetarako azterketa egiten da Lehen Hezkuntzako 6. mailan eta Derrigorrezko Bigarren Hezkuntzan (DBH), zehazturiko gaiaren inguruan. Bigarrenean, antzekotasunari buruzko ikasketa prozesu bat proposatzen da, eta proposamen hori DBHko 2. ikasmailari dagokion ikasgela batean ezarri da, Masterreko Practicum II irakasgaiaren baitan. Esperimentazio horretatik lortu diren emaitzak ad hoc diseinaturiko galdetegi batean oinarritzen dira, kontuan hartuz, halaber, baldintzapen instituzionalak. Lanaren amaieran, aurkeztu egiten dira sintesia, zenbait ondorio eta erantzun gabe gelditu diren zenbait galdera.